Тропарь 40 мученикам Севастийским
глас 1
Боле́зньми святы́х, и́миже о Тебе́ пострада́ша,/ умоле́н бу́ди, Го́споди,/ и вся на́ша боле́зни исцели́,// Человеколю́бче, мо́лимся.
Ин тропарь 40 мученикам Севастийским
глас 1
Страстоте́рпцы всечестни́и,/ во́ини Христо́вы четы́редесяте,/ тве́рдии ору́жницы,/ сквозе́ бо огнь и во́ду проидо́сте/ и А́нгелом согра́ждане бы́сте,/ с ни́миже моли́теся Христу́ о и́же ве́рою хва́лящих вас./ Сла́ва Да́вшему вам кре́пость,/ слава Венча́вшему вас,// сла́ва Подава́ющему ва́ми всем исцеле́ния.
Подвиг, который совершили эти люди, напоминают нам о человеческой стойкости и преданности. Святым Севастийским мученикам молятся для обретения стойкости, о помощи в преодолении бед и тяжелых испытаний, в отчаянии, и самое главное- о сохранении и укреплении веры.